السلام عليكم..
جمرة غضى نص من أروع ما كتب البدر وكعادته دائما يبدأ القصيده بمطلع يبهر المتلقي
فـ عنوان مثل جمرة غضى ملفت ويجذبك لمعرفة ما وراء هذا العنوان . .
وجمرة غضى ماهو إلا مثال بسيط لعناوين البدر ( أرفض المسافه ، صعب السؤال ، زمان الصمت ، . . . .)
وهذا النص أبدع البدر في توظيف خياله و محبوبته الغائبه دائما وأعتقد ان هذا النص كان بداية الرحيل . . . .
.. اتمنى لكم الاستمتاع في قراءته :
جمرة غضى
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب