روايه انا وحبيبي

السلام عليكم ورحمه الله وبركاته ....
حبيت انزل مشاركه لي اتمني انها تجوز لكم...
يالله بسم الله
اسمها انا وحبيبي ...

-1-

تعود متعب انه يشيل كل مشاكل اخوانه الخمس لانه اكبرهم ولان وابوه مات وترك المهمه له وهذا سبب خلاه ما يكمل الجامعه واشتغل سائق شاحنه لشركه نقل محدوده مع ان كان طموحه انه يكون مهندس لانه يحب الرياضيات ويحب الديكورات ...

جلس مع امه الي كانت تعبانه وقال"يمه تبين اوديك لم المستشفي .."

"يا وليدي كلها فلونزا حاااده يا حبيبي لا تشيل هم "

"يا يمه "

قاطعته "يا وليدي خلاص لاتشيل همي زواده علي همومك الحين الي كبرك متزوجين ومتهنين .."

قال متعب مبتسم "وين انا وين الزواج يا يمه انتم اهلي والله يخليكم لي وانا مكتفي بهذا الشي مقتنع .."

قالت الام"الي يسمعك الحين يقول صاااك التسعين توك انت 29"

"الحين هالشيب مو مالي عينك "

ولمس شعره الي يتخلله شيب بسيط ..

وقالت الام "هذا شيب الهم طلع قبل وقته "

وبعدين سمع صوت الاذان وقال"عن اذنك يا يمه انا بروح اصلي .."

وراح ..

قالت الام بينها وبين نفسها "الله لا يحرمك يا وليدي البنت الي تتمانها .."

----------------------------------------------------

فتحت كتااب مذكراتها وبدت تسترجع مراهقتها "يالله صار لي 3سنين ما فتحته "

وفتحت اول صفحه وقرت ...

لقد اختارك قلبي وسلمك نفسه دون أي تحفظ ...

وابتسمت للكلام الي كتبته وقالت "مراهقه ورمانسيه بعد وشاعره ما تلعب "

ودمعت عيونها وكانها تلعب علي نفسها ..

وكملت قرايه "انه يجري في دمي كالحمي رباه ماذا افعل ما هذا الجنون الذي يجري بي انني احبه احبه لا يبارح تفكيري ليل نهار ماذا افعل بنفسي ..

وصكت علي طول الكتااب وقالت بينها وبين نفسها هي محتاجه تقرا مذاكرتها راسخه لايومها هذا حب مانسته لحد يومها هذا حبها لولد عمها متعب خلاها تنسي كل الرجال الا هو بس بما انه حب من طرف واااحد هذا الشي الي خلاها تتعذب ليل نهار ....

جا صوت من وراها "نوره انتي وش تسوين ؟؟"

والتفت لقت امها عالطول صكت الكتاب ودخلته تحت السرير..

وقالت بارتباك"لا ولا شي يمه انا ابي انظف غرفتي "

"نظفيها يا بنتي لان هذا الالهام بالذات نادرا مايجيك والا خلاص تدرسين طب نستينا "

"لا والله ولا شهاده بالدنيا تنسيني اياكم حبايبي .."

وقامت وتمغطت وقالت الام وهي تجلس "عندي لك شي مهم خلي التنظيف بعدين "

"خير يمه وش هذا الشي الي خلاك ما تقدرين تاجلينه"

"ام تركي تبي تشوفك "

"منهي ام تركي "

"من يكون الي ولدها الملياردير الي ماعليه .."

"يمه فكينا من سوالف الخطابات "

"انتي شفت نفسك مهزله "

قالتها الام وهي تشوف قوام بنتها الريان والي ماتهتم لنفسها ..

"يابنتي انتي يبيلك تعديل "

قالت نوره "الحمدلله انا مقتنعه بمظهري خلااص "

"اذا تبين تستمرين علي الحاله تبين تبورين "

"اذا مكتوب لي فحياه انا ماراح اعارض نصيبي ابدا .."

وراحت امها "اصلا اختك تالا ازين منك واحاول اخلي تركي من نصيبها لان تركي ما يستاااهل وحده معتوهه مثلك "

قالت ببرود"الله يهنيهم"

وراحت ..

كانت تالا اخت نوره الصغيره وكانت بنت جميله جدا ومعناه اسمها النخله الصغيره....

سكرت الام الباب بعد ما طلعت تاركه نوره تشوف منظرها بالمراه وتنهدت باحبااااااط لانها عمرها ماراح تكون مثل جمال الحريم الي تتمني ان تكون مثل زينهم ...

وبدت تذكر اول مره تشوف فيها متعب ..

اصلا متعب ولد عمها بالرضاعه وهذا السبب الي خلاااها نادرا مايتجتمعون ...

كان عمرها 11 سنه يوم شافته يلعب معاااهم علي الرغم انه اكبر منها بعشر سنواااات يعني كان ببدايه العشرينااات من العمر حتي بذاك العمر قدرت تميز رجولته وجاذبيته ....

عالطول فاقت من الافكار ...وجلست تقنع نفسها اصلا حب الطفوله ما يستمر ابدا هي تفكر فيه فقط لان معها نقص عاطفي لا اكثر ولا قل ..

وقررت انها تنااام لانها بكره هو مستقبلها ولازم تكااافح من اجله ....

-2-

عند الغدا قالت تالا "والله طفشنا يا بابا خلينا نسافر بهالعطله .."

قالت الام وهي مركزه بغرف الرز علي ولدها الصغير عبدالله "أي والله يا بو عبد الله ما ودك تسفرنا ....والا الميزانيه ما تسمح .."

قال عبدالله "ابي اسافر ابي اسافر .."

قال ابو عبد الله بتفكير عميق "اصلا انا ميزانيتي محدوده بالعربي يعني دااج وين بالله نروح خليكم بارضكم احسن لكم .."

كانت نوره تستمع لهالنقاش بدون ماتدخلت فيه ..

قامت تالا ورمت الملعقه بعنف"انتم دايما مفلسين مفلسين اوف منكم حنا ما طلبنا نسافر بعيد أي مكان نقدر ناصل فيه لو بالسياره "

كانت تالا حبيبه ابوها واموها لانها كانت البنت جذابه قدرت تسرق قلوبهم بعكس نوره مع نو ره كانت بالبدايه تحس بغيره شديده لكن جاها تبلد لانها لهت بدرراستها ولا عليها منهم ..جلست تكمل اكلها بهدوء بينما العيله لحد الحين تتجادل لانهم اول مرره يرفضون طلب تالا بنتهم المزيونه ..

قال الاب"يا بنتي يا حياتي افهمي بابا "

"بابا انا فهمتك كل عطله حراااام ذي العطله لا الله يخليك بابا .."

"راح اشوف .."

وقالت الام توجه كلامها لنوره "لفي الغداء بعد ماتخلصين طيب ..."

وراحو ونوره قاعده تاكل بهدوء...

---------------------------------------------------------

فعلا لجل عين تالا تكرم مدينه قرر ابوهم يسفرهم لكن بما ان كميه الفلوس الي مععه محدوده قرر هو وام عبدالله وعبدالله انهم يروحون بطياره واما تالا ونوره يروحن بالباص بسياره لانها ارخص ..

قالت تالا"لا ما يصير هذا الكلام بابا تبيني اركب باص مالي دخل تدبرني طياره مالي دخل .."

"يا بنتي يا حياتي لازم تفهمين ادبر ممكن واحد لكن ماراح ادبر 2 انتي تفهميني .."

قالت تالا ولا همها "نوره ما عترضت تركب باص لكن انا اعترض .."

وسكتت كل الاسره وقال الاب"نوره ترضين تركبين لحالك باص .."

قالت نوره وهي تهز كتوفها لا مبالاه ولا ردت وراحت وصكت الباب بوجيهم ..واصلا هي ماهمها تروح باص او طياره اوحمار بما ان مالها راي حتي لو اعترضت مثل اختها ماراح يعبرون رايها فلذلك قررت الصمت ...

دخل عليها باليل اخوها عبدالله الصغير الي عمره 6سنوات وجلس عندها وهو مبتسم"نوره وشلونك"

ابتسمت نوره"انا بخير حبيبي دامك بخير "

"نوره راح اشتاق لك لانك ماراح تسافرين بالطياره "

قالت نوره"اصلا انا ما حب الطياره "

"نسيت انك تخافين منها اااه نوره انت اطيب من تالا انتي تكلميني لكن تالا ماتكلمني "

"بكره تكبرو كل الناس تعبرك اذا بينت لهم شخصيتك.."

وعالطول ضمها وابتسمت نوره لا شعوريا ......

-------------------------------------------------------------

جات يوم السفره ووداها ابوها لم الباص وقال بغبن "انا اسف يانوره سامحيني راح اعطيك مبلغ يمشيك طول الطريق "

"شكرا يبه معي مكافائتي الي ما صرفت منها ولا شي "

"لا راح اعطيك "

وطلع محفظته وعطاها المبلغ ونسخه عن دفتر العائله وجواز سفر واثباتاتها ..

وقال "انتبهي لنفسك اوكيه وخليك بقدر الامكان بالباص لاتنزلين .."

"طيب يبه"

"انا اسف لاني ما خليتك معنا بالطياره بس صدقيني كميه محدوده"

كميه محدوده بس قدر ل تالا

قالت "مو مهم ادبر نفسي شكرا"

ودخلت الاغراض بشنطتها ونزلت من السياره .....

----------------------------------------------------------------

جلست بالباص وبدت تقرا دعاء السفر ومشي بعدين ونااامت لانها كانت مواصله ....

تنبهت بعدين وشا فت ساعتها كانت خمس يعني نامت 4ساعات وسالت المسؤول عن السفر اذا بالباص حمام"الله يكرمكم"

قال"بعد ربع ساعه نوقف .."

وقالت"طيب "

وجلست تتامل المنظر بره كانت صحراء قاحله مرررره وصكت الدريشه حقتها ماتبي تشوف ...

وتنهدت بالم لانها كانت من النووع الي يجمع ولا يبين انه شايل علي احد ولانها ما تعتبرها ابد فضيله بس وش تسوي لاصارو اهلها هم الي غرسوا فيها هذا الشي وغمضت عيونها وبدت تتخيل ان متعب جاي لمها يخطبها علي سنه الله ورسوله ويناظر لها نظرات الحب الي تتمناها ساعتها تكون الدنيا غنت لها .....

يالله من زمان ما شافته ياربي وشلونه هو طيب والا لا يمكن خطب اوشي زي كذا ضااق خلقها ......

لازم تصير واقعيه لو شوي ....

بعد كذا وقف الباص ونزلت نوره ومعها شنطتها وغسلت وجهها وتوضت وصلت الظهر والعصر ....

بعد كذا مرت علي مكتبه وراحت تقرا الكتب وخذا من وقتها ولا انتبهت ان الباص لين ماراح وخلاها ....

يوم شرت وخلصت وتبي ترجع للباص تدوره كان الارض انشقت وابتلعته ..

انهارت وخفق قلبها بقوه وخووووف رااح الباص وتركها يا ليتني مانزلت وياليت مطلعه جوالويا ليت وياليت وياليت ..

مهو وقت التمني الحين ونزلت دموعها لا شعوريا علي صفحه وجهها ولا تدري وين تروح فجاءه دخلت بين الشاحنااااات ووقفنت لا شعوريا وشافت بنغالي يخووف شكله ولاحظها وبدا يناظر لها نظرااااات تخوف وقررت ترجع لورا لكنه مسكها لان الشاحنات كانت معزوله عن المحطه يعني لو بتصرخ ماراااح احد يجيها كانت انفاسه كريهه وريحته الله يكرمكم وهي تصيح وتصرخ ماعطاها وقت زي الحيوان ما فرح متي يشوف طعم هشان يتلذذ فيه ..

وتدعي ربها ان الله ياخذ روحها قبل لا يصير شي اسوء من المووووووووت بحد ذاته ....

جا صووت خشن مرررره يقول"اتركها ياحمار يا وسخ اتركها "

وسحبه ورمي البنغالي بعيد تحت الشاحنه وبدا يشوته لين ماستسلم البنغااالي وراح..

والتفت تبي تشوف منهو الي ارسله ربي له عشان ينقذها ..

كان واحد طويل لابس بنطلون مشقق مررره وصاير لونه باااهت وبوزه قطنيه ولاف علي راسه شمااغ بس هذا الملابس ما اخفت جسمه الرشيق والمعضل بنفس الوقت يوم التفت ما قدرت تشوف ملامحه لانه كان متلطم .

"انت بخير "

لهجته كانت نفس لهجتها يعني مهو بنغالي زي ذاك ....

وهزت راسها بخوف وقال "انت وش تسوين هنا بين الشاحنااات ؟؟"

قالت "ادور الباص الي انا ركبته "

قال يتطنز "وعساك لقيتيه ؟؟

وبدت تبكي وتلعثم"انا....الباص.....راح........مادري وينه "

"لحظه لحظه لحظه خليني افهم الحين وين الباص .."

"راااح ولا ادري وينه كنت اصلي وبعدين رحت للمكتبه اشتري كتب وراااح .."

"قولي كذامن الاول الحين انتي معك جوال .."

"لا ما معي شي "

"معقوله بنت في هذا الزمن مهي ماسكه جوال لا ما صدق مو مهم خلينا ندور الباص هذا عشان نركبك فيه ..."



دمتم بود لولقيت تفاعل راح اكمل

يسلمو تغاريد همسه شوق
[img][/img]

حبيبتي لوله اشكر مرورك
وهذا البارت الثاني


-3-

عدلت برقعها وراح الرجال المتلطم يدور الباص ويسأل, كانت مرتعبه وكانها بكابوس ودها تقوم منه بايات وسيله ...

ياربي يا ليتني مانزلت بس قدر الله وماشاء فعل ....

المهم بعد مده جاها الرجال وقال "للاسف مشي له ربع ساعه .."

وعالطول بدت تضرب بفخوذها ."يا ربي وش اسوي الباص وراح وانا بقطعه مادري ويني ياربي .."

وبدت تصيح .....

قال لها الرجال "خلاص تروحين معي .."

ورفعت راسها وقالت من ورا برقعها "اروح معك وين بالله ؟"

"اوصلك للديره الي انتي تبين تسافرين فيها مافي حل ثاني.."

"بس "

قال وهو حمقان "اجل اقعدي بهالمحطه لين مايجيك احد البنغالين اول مررره ربك سترها ...لكن"

"خلاص بروح معك الله يخليك لا تتركني ...."

"اهم شي خذيتي اثباتك وحوستك"

"بس الاشياء الضروريه خليتها بشنطتي هذه اما ملابسي فمهي معي بالباص.."

"لاتخافين من هذه الناحيه ....تعالي"

"بس الشرطه ماراح تقول شي "

"شوفي اذا تكلمت خليتك عندهم ومشيت وتركتك لين ماهم يدبرونك ويكون افتكيت من همك ...."

وسكتت وهي خايفه ولحقته يوم مشي وركب الشاحنه الكبيررعلي كبرها الا ان فيها بس مقعدين وركبت بصعبه وجلست وهي قلبها يخفق من الخووف ياربي ساعدني .......

وقال لها"اذا احتجت ايات شي قولي لي لا تستحين ...."

وحست انه يتطنز من كلامه...

وقالت بهدوء"نسيت لا اشكرك شكرا لك لانك انقذت حياتي .."

"لا تشكريني الحين .."<<قالها بغموض ..

وحست انها ترتجف من البرد ركبت مع واحد ماتدري ولا شي عنه حتي معالم وجهه لانه كان متلطم ...

وقال يقطع افكارها "الحين انتي مسافره لحالك ..."

قالت بكل صدق ولانها صادقه بطبيعتها "ابوي ارسلني بالباص بينما بقيه الاسره راحوا معه بطياره .."

"ما احكرت الا عليك .."

"ما فهمتها ....."

"يعني ما صارت الاعليك انك تسافرين بباص "

قاطعته"عاد ارسلني وقضاها ربك ...."

وساد صمت وقالت مغيره الموضوع "مركز الشرطه كم يبعد"

"تقريبا 500 كيلو متر"

"اوف بعيد ليه "

"ليه لان هذا الطريق بالذات قطعه ونادرا ما احد يسافر بهالطريق الا سواقين الشاحنات مثلنا ..."

وقالت بفضول رغم الخوف الي فيها "انت تعودت انك تسافر بهالطريق .."

قال بهدوء"غصبا علي اتعود لاني مافرحت علي الله متي القي لي وظيفه .."

"ربك يفرجها .."

"ونعم بالله .."

وسكتت ماتبي تاخذ وتعطي معه .....

وفسخ شماااغه وقال "خلاص الشمس قربت تغيب .."

والتفت تبي تشوف وجهه انصدمت وحست ان الارض تبي تنشق وتبلعها من جراء الصدمه هذا متعب بلحمه ودمه هذه الي ادعي ربي كل يوم اشوف لو نص شوفه بسسسس مو معقوله مومعقوله يالله وش كثر تغير طلع فيه شيب خفيف مررره بس السواد كان طااااااغي علي شعره الناعم والكثير اما وجهه فلزااال شاب يالله وش كثر كبر وقالت لا شعوريا "متعب هذا انت ..."

التفت وعبس وقال "تعرفيني ...؟؟!!!!"

"ايه لاني بنت عمك من الرضاعه نوره ..."

"نوررره لا ما صدق بنت عمي فهد هذه انتي ..."

"من زمان ماشفنا بعض انقطعنا ..."

قال بجفاء"ابوك هو الي قطعنا لانه بعد مامات ابوي الله يرحمه ما يبي يشيل المسؤوليه لو بالكذب او التظاااهر .."

"بس...."

قاطعها وقال "معك حق بنته راح تدافعين عنه اصلا وصح مو عمي عمي ...من الرضاعه يعني المسؤليه مالها داعي ....والله لا يحجنا لاحد الحمدلله انا صار لي وظيفه واكد علي اخواني "

"لا تقول كذا .."

"مو مهم صكي الموضوع "

"وشلونها مرت عمي ؟"

قال بكتأاااب "سافرت وخليتها تعني من فلونزا حااده ..."

"طيب عبدالرحمن اخوك ما تقدر توصيه .."

"قلت له ومهو مقصر معها "

"الحمدلله علي كل حال ...."

وفضلوا الصمت ولامت ابوها ليه يسوي كذا الله يصلحه ........

------------------------------------------------------------

شفت خلي بعد غيبة

شفته في حالة غريبة

ضاع من عينه الحنان

اللي عشناه من زمان

غيروا غيري حبيبي

خلا حبي عنده هان

صرت باساير ظنوني

صرت باحايل عيوني

صرت اترجى واترجى واترجى

صرت اترجى دموعي

لالا لاتبينله خضوعي

ياما جددت الأماني في غيابك

وياما رددت الأغاني في عتابك

كنت من شوقي اليك

احسب اني بين ايدك

ولما جت عيني عليك

وبانت الحيرة عليك

صرت اترجى واترجى واترجى

صرت اترجى دموعي

لالا لاتبينله خضوعي

ياللي ذاتك في حياتك كل شي

وياللي جودك من وجودك ماهوي

الحب في طبعك هواية

مش من الحب الأصيل

والهوى الهوى الهوى

لو كان هوايا ما تخيرتك خليل

ولما جت عيني عليك

وبانت الحيرة عليك

صرت اترجى واترجى واترجى

صرت اترجى دموعي

لالا لاتبينله خضوعي

مافي فايدة من عتابي

الزمن بينك وبيني الزمن

لما تتذكر عذابي الزمن بيوفي ديني

واللي حبيته يملك اللي حبيته

واللي عزيته يذلك اللي عزيته

تفتكر حبي معاك

تفتكر ايام صفاك

تشتكيلي تشتكيلي

من اسااااااااااااااااك

شفت خلي بعد غيبة

شفته في حالة غريبة

ضاع من عينه الحنان

اللي عشناه من زمان

غيروا غيري حبيبي

خلا حبي عنده هان

صرت باساير ظنوني

صرت باحايل عيوني

صرت اترجى واترجى واترجى

صرت اترجى دموعي

لالا لاتبينله خضوعي

--------------------------------------------------------

تابع

-4-

بعد شوي قالت "متعب ممكن اسألك سؤال .."

تنهد وقال وهي يناظر عيونها من ورا البرقع "تفضلي "

"ليه ما جيت لبوي قلت له عن احوالك بلكي يساعدك "

"انت تستهبلين ماتؤمنين ان الانسان له كرامته وش فيك انتي ؟؟"

"خلني اعتذر نيابه عن ابوي "

"انت ؟؟؟!!!بالله وش بينفع الاعتذار.."

"معك حق ماكان ابوي خلاكم .."

"عساه بس...."وسكت

"وش كنت تبي تقول ؟؟!!"

"ولا شي .."

وقررت تسكت يالله ياقلبي خلاص يكفي جنون الرجال ما يكن لي أي شي غير انه بنت الي حاقد عليه .....

وقالوهو يوقف عند محطه "جوعانه "

"عادي "

وقال"راح اجيب سندويتشات من البوفيه تبين قهوه والا شاهي .."

"شاهي الله يخليك.."

وصك الباب وراح لم البوفيه وبدت تتأمل جسمه وهو يمشي برشااقه ولا كانه سافر يوم كامل يالله وبدت تصيح بصمت انا اتعذب هو قريب ومو قريب وبعد شوي ورجع معه كيسين وعلبتين وركب الشاحنه وقال "خل الحين ناكلها حاره قبل لاتبرد .."

"شكرا قلي كم سعرها .."

"ما يحتاااج كولي وانت عاقله "

ولاقدرت تمنع نفسها من الضحك وقالت تمزح وهي بعز ضحكتها يالله من زمان ما ضحكت "ليه وانا كنت مجنونه .."

وابتسم بخفه وعالطول راحت وقال "افكر بما انك معي ناخذ لنا غرفتين عشان ننام الحين الساعه 10الليل.."

"طيب انت اول وين كنت تنام قبل لا اجي انا ...."

والتفت لها وقال "بالشاحنه البقها وانام"

"تبي رايي بصراحه "

"وش رايك.."

"رايي ناخذ استراحه شرط انا ادفع حسابها .."

"الحين خل نلقي هذه الاستراحه وان ما لقيناها الشكوي لله ننام كلنا بالشاحنه .." بعد ما خلصوا اكل دورا الاستراحه

وللاسف مالقوا الاستراحه وقال :"امرنا لله ننام هنا .."

وقال "انا الحين تعبان واتمني انك ماتشاخرين يا بنت العم .."

كانت مستحيه حست انه كانه زوجها عضت علي شفايفها وحست ان دمها يجري بوجهها ....ورجع الكرسي ورا وقال"انا اسف ماعندي الا بطانيه وحده نتقاسمها "

وقالت "شكرا خلاص علي عباتي .."

قال يمزح معها "انت متاكده انك ما تنغمتين وانت نايمه بالبرقع "

"لا تطمن متعوده فيه .."

"تصبحين علي خير "

"وانت من اهل الاخير "وقلب وجهه ونام لانه كاااان تعبان ........

اصلا تكذب عليه ما فيها نوم وبدت تتامل كل جزء فيه وكانها تبي تثبتها في مخها ....

---------------------------------------------

قومها متعب الفجر وقال"قومي يالله عشان تصلين, في حمام الحريم الله يكرمك عشان توضين"

يوم تنبهت حست انها تحلم ولا تدري وين هي تبي تستوعب بعدين رجعت لها الذاكره وقال "يالله انا انتظرك خلينا نمشي ورانا مشوار طويل ..."

وراح هو قسم الرجال وهي راحت قسم الحريم ...وصلت الفجر يوم خلصوا صلاه .....قررت تروح البقاله تشتري اغراض وشرت بعض الشكولاته والحوسه الي تنشطهم بالطريق ..يوم رجعت لقت متعب حمقان وينتظر يوم شافها قال "انت وينك ؟؟"

"انا بخير بس رحت البقاله بس شريت اشياء نحتاجها بالطريق ..."

وسكت وهو يتأملها وقال "يالله تعالي ..خلينا نروح ..."

وركبوا الشاخنه وكملوا المشوار..

وهم بالطريق قال "الحين انتي كم عمرك "

"19 سنه "

"اها تدرسين والاتوقفت دراسه "

"اصلا انا ادرس سنه ثانيه طب .."

"مشالله "

"ايه "

"غريبه سمح لك عمي ..."

"وش تقصد بالسماح "

"اصلا البنت مالفروض تمسك مناصب زي كذا فهمت مشوار طويل يروح عمرها وراها عرس ومسؤوليات"

"ابشرك ماراح اتزوج "

"بالله "

"ايه "وقالت بينها وبين نفسها انا اولا مستحيل اسلم نفسي لرجال وانا قلبي مع ثاني وثاني شي انا شينه من راح يحب وينجذب لي وحمدت ربها انها تغطي والا كان متعقده من زمان ....

قال بعدين "لطيفه اختي ودها تدرس طب بس انا حذرتها "

"الحين هي أي صف "

"هالسنه اخر سنه لها "

"مشالله الله يوفقها "

"امين تستاااهل البنت كافحت كثير "

وابتسم بحنان ..

تغيرت معالم وجهه و صارت احلي وخفق قلبها بقوه

وقال "واختك الشقرا وش اسمها ياربي .."

قالت بغبن "تالا"

"مشالله كبر لطيفه وشلونها "

حست بغيره وتمنت لوهله لو انها تكون مثل اختها وقالت :

"الحمدلله "

وسكتت ...

والتفت لها وقال "لحد الحين اتذكر كيف معامله امك لك ولها "

وقالت تمزح بمراره "الله لا يلومها فررق "

قال متعب"فرق بوشوا؟؟"

"ولاشي "

ما تبيه يشفق عليها لانها عزيزه نفس ....

قال يقاطع افكارها "ان كان قصدك انها هي اجمل منك فأنا مني معك "

قالت وهي تعيد الذاكره "انت تتذكرني "

وقال"اتذكر انك مثل الدب الابيض .."

قالت وهي تضحك "اصلا هذا معيارتي .."<<لقبي يعني

"لااااا"

وضحك معها ....

وقال "تذكرين يوم انك تتحرشين فيني ..ورميتي علي البلون الي فيه مويه وانا توي مشخص للعيد بثوبي الجديد.."

وهي لازلت تضحك "ايه وقمت قفلت علي بالغرفه ...وقلت ماراح اطلع الا......"

وسكتت ...من الحياوقال لها متعب "تبوسني ..."

وحمر وجهها ....

وكمل متعب وهو مبتسم "وفعلا بستيني ..."

وقالت ترقعها "كنا بزران.."

"انت ايه لكن انا لا...."

وسكتت ولا تدري وش تقول ...

"قصي لي عن كليه الطب بديتوا تشرحون جثث"

"ايه "

"خفت ؟؟!!!"

"لا ما خفت بالعكس كنت متشوقه للاناتومي "

"اناتومي ؟؟!"

"بالعربي اسمها ماده التشريح ممتعه "

"اها"

وقال "صعب الطب؟؟!!"

"لا مو صعب بس كلاااااام كثير واسماء ثقيله وحفظ طويل.."

"اها "

وبدت تشرح له كل ش درسته ..

وقال "وش تبين تخصصين او بس تبين تاقفين طبيبه عامه "

"لا انا ابغي اتخصص اطفال "

"تحبين الاطفال "

"اموووت بهم اعشقهم .."

"اها الله يوفقك "

"امين وياك يارب "

وقالت "وانت مافكرت تكمل "

قال "خلاص راحت علي .."

"وشلون تقول راحت عليك متعب لسه توك شباب 29سنه سن مو كبير .."

قال متعب بفضول "انتي وش درااااك بعمري "

حمر وجهها "بالصدفه "<<<قالتها وهي تكذب لانها حتي تاريخ ميلاده عارفته وصامته ظهر عن غيب ........

وقال"علي العموم مافي جامعه تقبل الحين بعمري "

"الا فيه من قال ما فيه انا دكتورنا الي بالكليه....تخيل دخل كليه بالعمر وبعدين صقط وانسحب وجلس خمس سنين تقريبا وبعدين رجع وصقط والحمد لله الحين دكتور من احس ما يكون الله يذكره بالخير كان يدرسنا العام وقال انا ماراح اخلي الفشل ياقف بطريقي وعلي العموم العلم ماله عمررر يامتعب وهذه خلاصه كلامي "

اول مره تنطق اسمه اااه يازين طعم اسمه ...

وقال وهو يبتسم "انا كنت ودي اتخصص هندسه ..بس المسؤوليه الحين "

وقالت "الحين عبدالرحمن أي سنه ؟؟"

قال "انجليزي سنه اولي "

"مشالله ولطيفه كبر تالا اختي والتوام مصعب احمد"

"لحد الحين تذكرين اخواني "

بغت تقوله "لاني احبك حبيت اهلك معك "

"يدرسون اول ثانوي "

"ويبقي الاخير جاسم "

"اول متوسط "

"يعني مشالله خلاص كبار وقادرين يهتمون بانفسهم "

"وش قصدك انت تقولين اتخلي عن مسؤوليه اخواني "

"لاااااا انا ماقلت كذا يا متعب ليه تحلل الامور علي كيفك انا اقول غير وظيفتك هذه والله صعبه ومررره متعبه يا متعب "

"خلاص تعودت "

"عنبوك انت ما تحن علي اهلك متي تشوفهم "

"بالاسبوع مره "

"انا انصحك غير وظيفتك وكمل دراستك وادخل الطموح الي انت تبيه ولا تخليه يا قف بطريقك عوايق"

"الكلاااام سهل يانوره والفعل صعب "

"اصلا الدنيا هي الي سهله يا متعب بس حنا الي نصعبها صدقني "

وسااد صمت وقالت "موكنا جعنا وش رايك ناكل "

"وش شريتي "

"طحنيه وجبن وكيس صامولي والنواشف وش تبي سندويش اسوي لك"

"احب الفول السوداني مع الجبن بساندويش ..."

وقالت "ابشر ولا يهمك .."

وهي فرحانه لانها تخدمه ....

يوم خلصت سوات السندويشه ومدت يدها وخذا منها السندويش فجاءه تلامسوا وخفق قلبها حست انها لامسه كهرب عالطول لمست لمسته وهو مابين انه انتبه ........

وقام كلا السندويش بصمت ..اما هي اكتفت بصامولي حاف وهي تتفرج علي الصحراء .....

----------------------------------------------------------------

مشكورة دموع على الرواية

يبيلها وقت ومخمخة الواحد فاضي وفنجان شاي يقراها برواقة

ومن جد لو شفنا فيه إقبال على الروايات وكانت طويلة وتحتاج تجمع وتحفظ في ملف للروايات راح نسويها

تغاريد صقر

غلاي لوله

-5-

كان في عيون نوره النوم وتعبانه مررره ولا قدرت تقاوم ونامت وبعد شوي قومها متعب قال انه لازم نصلي ارتبكت وعدلت برقعها ونزلت تبي توضا كان متعب صاد عنها وكذا قدرت تفتش و تغسل يالله وش كثر محترم فعلا

وبعدين صلوا الظهر والعصر جمع تقصير وركبوا الشاحنه من جديد وقالت فجاءه لا شعوريا "انت الحين متزوج ؟؟!!"

التفت وقال "وش هذا السؤال المفاجئ ..."

قالت بصراحه جريئة"لاني الصراحه اتسأل من المره الي تسمح تشوف زوجها مره وحده بالاسبوع ولا يمديه هو يشوفها والا يشوف اهله..."

"خيالك خصب يا نوره لكن لا انا مثلك مني متزوج ولا افكر بالزواج .."

وساد صمت .......

وقالت "اها .."

وسكتوا وبعدين شافوا لوحه اسم قريه ولف من عندها ...

وقالت بفضول ليه وقفت؟؟"

"لاني راح اوصل الاغراض بهالقريه وارجع للديره "

ووقف قدام مصنع كبير وبعد شوي جو العماله يشلون الحوسه ومتعب من بينهم كان يشتغل بكل اجتهاد وبعدين وقع وخلص وركب الشاحنه ..

وقال "اسمعي الحين انا راح اوصلك للديره الي سافر فيها ابوك طيب وراح لا تخافين "

قالت باكتئاب ولا ودها تفارقه للحظه"انت كان مشوارك لهنا وترجع صح ؟؟"

قال "ايه بس المشوار صارت ما تفرق معي .."

وقالت "متعب.."

والتفت لها ..

"انا مابي اروح للديره الي سافر فيها ابوي واهلي ..ابي ارجع معك .."

"انت مجنونه وشلون تبين ترجعين معي "

"خلاص مو خلصت مشوارك ؟؟!!"

"بلي "

|خلاص اجل "

"معقوله احد يكره الديره الي سافر فيها ابووك وكلا يتمناها "

"اصلا انا مني متحمسه للسفر"

وقالت بينها وبين نفسها "اكبر امنياتي اني اقعد جنبك الي الابد"

وبعدين كملت "انا ودي اشووف مرت عمي قطعت فينا الدنيا هاه وش قلت ؟؟"

وسكت ولا رد......

بعدين قال "متأكده ام ابوك ماراح يقلق عليك "

ابتسمت "انا اصلا زياده عليهم وش فيك لو حريص علي صدق كان سافرت معهم بطياره بس الحمدلله اني ماسافرت "

"وليه تقولين الحمدلله "

قالت مبتسمه بمرح"لاني لو مافوت الباص ماصارت الصدفه الكريمه .."

والتفت عليها وقال مبتسم "انت جريئه وصريحه بكلامك "

"لاني ماحب الف وادور "

وضحكوا...

وقال"هذه محطه خلينا نتغدي ونراجع القرار الي اصدرتيه يا سموالاميره "

ضحكت بطياشه.....

يوم نزل شافت يتألم من ظهره وتألمت يوم شافته يتألم ورجع ومعه سندويشات بيد واليد الثاني علي ظهره وقالت بقلق "متعب وش فيك ؟؟"

"ما فيني شي بس اليوم شلت ثقيل بالغلط فجاني شد عضل "

"ممكن اتفحصك ؟؟"

والتفت وكانه بيقول شي بس قاطعته "اصلا انا دكتوره وش فيك انت وهذا واجبي ..خليني اشوفك "

ولقاها ظهره وبدت تحط يديها بهدوء علي كتوفه وبدت تحسس عضلاته وقلبها يخفق من الحب الي كل يوم يكبر فيها وقالت بعد شوي "فعلا انت فيك مصع ؟؟(شد عضل)

قال بهدوء متصنع"طيب وش تقترحين يادكتوره"

"ادع ربك اني جايبه دوا العضلات لاني دايما اصاب بشد العضل ياكرهه "

وفتحت شنطتها وبدت تنفل وتنفل وتنفل لان الشنطه كبيره واخيرررا لقته ..

وقالت بنغمه الاطفال"لقيته ..لقيته ..لقيته "

وجلس يضحك لحركاتها الطفوليه ..

والتفت عليه وقالت بحيا"امممم ممكن "

ودها تقوله انه لازم يفسخ بلوزته عشان تقدر تدلكه زين...

وقال"ممكن "

وحسها توترت وخبا ابتسامته .........

"يعني افسخ "

قالت"لو ماعليك امر "

وفسخ بلوزته بخفه ..

هي خلاااص ضاااعت بس حاولت ترجع السيطره علي نفسها وعصرت من الدوا وبدت تدهن جلده في البدايه شقصت يدها بعدين تعودت وانبسطت وحست من عضلات متعب استرخت .....وحسته خدر ..

يوم خلصت قالت "هاه انشالله اشوي "

والتفت لها وقال مبتسم بحنان"مشكوره وماقصرت "

لمعت عينها لهاالابتسامه الي عمرها ماراح تنساها اااااه باقلبي التعبااان .....

ولبس بلوزته وقال"خل ناكل "

وغسلوا يديهم وبدوا ياكلون ......

--------------------------------------------------------------

-6-

قرروا انهم يرجعون للديره وقال متعب"لازم نبلغ ابوك علي الاقل عشان ما يقلق عليك .."

"بس لا انا ولا انت معنا جوالات طب وش نسوي ..."

"راح ناقف عند كبينه اتمني انك عارفه رقم ابوك "

"اصلا رقم ابوي دولي يعني راح يستقبل .."

قال متعب"اعرف كبينه تبعد عشرين كيلوامتر بقريه راح نلقها وادعي ربك انها ماتكون سكرت "

"يارب ما سكرت "

وسااااد صمت ......

وطلعت كتاااب وبدت تقراه وقال بفضول "وش الكتاب الي تقرينه "

"كتااب حكم ....حلو الواحد يتعلم من تجارب غيره"

وسكت متعب ..

لاشعوريا ماقدرت تركز ودها تصرف كل وقتها لمتعب ..

وبعدين صكت الكتاب وقالت "متعب من تحكي لي عن حياتك وش تسوي "

قال يتطنز"وش اسوي صبحي وليلي وانا اسووق بهالشاحنه "

"وربي ارهاااق "

"هذا قدري وانا لازم اؤمن به .."

"أقولك شي "

"وشو "

"انا اصلا فاشله بكل شي "

"وليه اقولين كذا "

"انت علي الاقل عندك اهل يحبونك وينتظرونك علي احر من الجمر والله لا يغير عليكم اما انا فدايما علي الهامش...."

"بس هذا ما يعني انك فاشله "

"انا فاشله لاني ماعرف اطبخ ولا اكنس فاشله لاني مني حلوه ولا لي جسم يخقق فاشله لانه امي ماتحبني ولا ابوي .."

وسكتت وكملت "قلت خليني اسد هالنقص الي فيني بالدراسه بلكي نجحت بهالمجال"

وقال بهدوء"انت منتي فاشله يانوره انت بس ما عندك اهل يقدرون قيمتك .."

ولمعت عيونها لاشعوريا حط يده علي يدينها وخلااااااااص اليوم عيدها ....

وبعدين بعد يده وقال بقي خمسه كيلومترات علي الكبينه ..."

---------------------------------------------------------------

بالكبينه قدرت نوره تكمل ابوها ..

"نوره انت وينك ؟؟!!"

"ااه يبه قصه طويله "

وبدت تقص له وبعد ما خلصت من السرد قال الاب"الحين متعب هذا وينه ؟؟!!"

وقالت "هذه عندي خذه .."

وعطت السماعه متعب .....

وكلم متعب ابوها وكان تعبيره جاااااااااامد ما في أي رده فعل واكنت تسمعه يقول ."والله بخير يا عمي انت وشلونك .....الحمد لله ما قصرت ياعمي "

ومن هذا الكلام هالمره وقفت مع متعب وشرهت علي ابوها لانهم حرااام عيال اخوه من الرضاعه ويتمان مساكين قاطعتهم يارب لا تقطعنا ياقيوم .....

وخلصت المكااالمه وبدت تناظر متعب وكان متعب يطالع عيونها وقالت "معك حق يا متعب حنا مقصرين معاكم ...."

وقال متعب "ماله داعي اصلا انا نسيت الحقد ونسيت كل شي .."

وسكتوا يتأملون بعض.. لوهله ودها تقوله الي بقلبها وتفسخ برقعا وتسلم نفسها له ولاهمها ....

--------------------------------------------------------

-

7-

رجعوا بهدوء وكانت نوره هاديه وساكته وكان كذا متعب فجاءه واول مره شغل مسجل علي اغنيه محمد عبده ....

يوم اقبلت صوت لها جرحي القدير يوم اقبلت طرنا لها انا وشوقي والنسيم وعين لمحتني وشهقت وعين لمحتني وبكت ويا فرحتي الحظ الليله كريم محبوبتي معزومه من ضمن المعازيم

في زحمه الناس صعبه حالتي فجاءه اختلف لوني ووضاعت بسمتي ....

نوره كانت تسمع هذا المقطع وهي عيونها تدمع بقووه ولا قدرت تقاوم نزلت دموعها

ياعيـــــــــــــــــــــــــــــــــــــــون الكون غضي في النظر اتركينا اثنين عين تحكي لعين اتركي الشوق ماخلا حذر ........بلاخوف بنلتقي بلا حيره بنلتقي بنلتقي بعيونها وعيونها احلا وطن وكل الاماااااااان ....

يوم خلصت الاغنيه ...

سكر المسجل وقال بهدوء "انا اصلا عاده مااسمع اغاني بس محمد عبده شي ثاني .."

قالت تمزح"محمد عبده حلال والباقي حرااام "

قال ولا تقبل المزحه"اصلا انا ما سمع اغاني ابدا من زينها ما تجيب الا الهم بس اليوم مادري وش فيني "

"خلاص لاتبررر لي خلاص "

قالتها وهي تتثاوب وقالت "بسألك يا متعب _واتعبتك بسألتي _الحين انت يعطونك بدل خطر .."

قال متعب "الحين خليهم يعطوني الراتب كامل ..."

ضحكت وقالت ما عليك ....ربك كريم ....

"ونعم بالله "

وجاها نعاس مو طبيعي ولاتدري وين حطت راسها ونااااااامت بهدوء ؟؟

بعد شوي قامت واستحت لانها كانت نايمه قريبه لم متعب وحست انها فلم اجنبي ....

قامت عالطول وقالت "خزيااااااه منك ليه ما قلت لي .."

الحين يحسبها هي الي رمت نفسها عليه ....

"وش اقولك انتي نايمه .."

"كان علي الاقل قايل بهمس "

ضحك وقال "أهمس بالله وين باذنك "

حمر وجهها وهي تتخيل شفايفه علي اذنها علي طول حمر وجهها وقالت "انا اسفه "

ولاتدري وين تودي وجهها وقال "نبي نرتاح في قريه انا اعرف واحد كان صديقي من الابتدائي ووبني مزرعه وسكن فيها بعد ماتزوج وحده من اهل القريه والحين هو مبسوط ومن احسن ما يكون وانا فرحان له ..."

ولف لم القريه وقااالت نوره "الحين هم علي علم اننا راح نجي والا قطه وجه .."

قال متعب حمقان واول مررره يحمق عليها :"يعني انا قطه وجه ؟؟"

"لا تفهم كذا "

"اصلا انا كل فتره والثانيه اجيهم عادي وهم متعودين انهم يستقبلون الناس لان الكرم يمشي بعروقهم ....."

ودخل بوابه كبيرررره وكان في كلابه كبيرررره تخوف وقالت "يمه توقع الكلابه راح تهجم علينا .."

قال بتطنز"تطمني ماااراااح ياكلونك .."

ولبق الشاحنه ودق بوره وطلع واحد لابس ثوب وشماغ وهويصرخ بضحك"هلاااااااو غلا بمتعب الله حيه انورت المزرعه تفضل حياااك .."

"انا اصلا معي بنت عمي قصه طويله الله يخليك ممكن ندخلها علي الاهل .."

"الله ياربي يحيها تفضلي يابنت عم متعب الله يحيك انورت المزرعه .."

عدلت برقعها وهي مستحيه مررره ودلها متعب علي الطريق وقالت بهمس "انت تتوقع انها مارااح تتفاجئ بوجودي ..."

"لا بالعكس راح تنبسط روحي .."

ومشت للطريق الي دلها اياه متعب ...

كانت مرت راعي المزرعه طيبه مررره استقبلتها بحراره..

"ياهلا تفضلي حياتس جدي هالوجه .."

ابتسمت نوره بحنان ودخلت وقالت المره"افتشي جدي هالوجه مالمك احد .."

<<<جدي هالوجه معناتها محببه ..للي مايعرف معناااته

وفسخت نوره برقعها وفكت عباتها وقالت "انا اسفه لاني صار لي 3ايام ماتروشت ولا غيرت ملابسي ..

"في ملابس فوق اذا تبين تاخذين حمام ...."

يالله اغراااااااء انا ودي اتروش من جد ..<<قالتها بينها وبين نفسها ..

وبعدين قالت "يا قلبي لوما عليك امر ممكن تدليني عليه ...."

"ابشري يا قلبي ابشري ..."

ودلتها وطلعت لها ملابس نظيفه ودخلت تحت المروش وحست بقيمه النظااافه ....

وغسلت ملابسها وشرتها كلها ومشطت شعرها الناااااعم وخلته مفكوك ورطب علي ظهرها كان شعرها ازين مافيها طويل ولونه اسوووود فاحم ووهي بيضاء مرررره تناقض الالوان عطاها جاذبيه مو طبيعيه ...

وكانت الملابس الي عطتها اياه المره كانت جلابيه نعومه وقطنيه ...ومخصره علي جسمها ونزلت تحت وبدت تسولف مع المره واكتشفت ان اسمها حصه ..

كانت حصه بنت نحيييفه في الثلاثين من عمرها وكان شعرها قصير وكانت حلوه اللسان وحبيبه فعلا حبتها نوره من اول نظره وقهوتها وقالت حصه "اخيييرررا استقر متعب ول اني شرهانه لانه ما دعاااانا ...لعرسه ."

قالت نوره ترقع لها "أنا اصلا مني متزوجه من متعب انا بس بنت عمه صارت لي قصه طويله جد."

وبدت تقص لها وقالت لها حصه وكونها مررره محافظه "ترا تدرين ان الحرمه والرجال الاجنبي ما يجوز لهم انهم يختلون لان الشيطان ثالثهم ..بس انتي حالتك استثنائيه .."

قالت نوره تطمنها "لا تخافين انا اصلا اعرف من الصح من الغلط وكذا متعب ..."

قالت حصه "وش معني هذه النظره يوم نطقت اسم متعب ..."

قالت نوره "لاو لاشي ياقلبي انا ...ولد عمي .."وارتبكت ..

حمر وجهها ...وضحكت حصه لها من كل قلب ...وقالت "الظاهر انه في عرررس قريب ..."

------------------------------------------------------------8-

كانت نوره تتامل المزرعه من خلال الشباك كانت المزرعه كبيرررررره مرررره وفيها كل وسائل الراحه الظاهر ان صديق متعب هذا انسان ما عليه ...

فجاءه لمحت متعب يمشي بالظلام بهدوء وعيونه كلها حززن ..

متعب حزين ليه ؟؟

وضاق صدرها لانه حزين ..قامت لا شعوريا خذت الطرحه وقررت تطلع خليها لو مررره وحده تتحرر ما همها لا عادات لا تقاليد لا هم لاغم وبما ان حصه قاعده مع زوجها فووق اكيد ماراح تلاحظ ابد انها طلعت ..وتلثمت وبدت تمشي وقلبها يخفق ياترا وش راح يفكر فيها راح يقول انها قليله ادب ..خليه يقول عنها كذا دامها ماراح تكون من نصيبه وهو قالها بفمه ان ماراح يتزوج خلاص راااح تتحرر من هذا الحلم ان كل يوم يجيها ان يضمها لصدره يبوسها يهمس كلمات الحب باذنها ....

وقربت لمه لقت قاعد قدااام النافوره وقالت بهدوء"متعب ...."

والتفت عالطول ولاحظت انه غير كااان لابس ثوب بين طوله وجسمه الرشيق وقال دون مايتحرك بس ابتسم "انت وش تسوين هنا .."

"شفتك من الدريشه وقلت ابي اقعد معك ..."

قال بالم "تقعدين معي وانا ما يجوز لي حتي اكلمك اااه انت كذا تعذبيني حررام الي نسويه يا نوره بليس اغرانا لما فيه الكفايه ..."

قالت تهمس "نجح فعلا يا متعب بس وش نسوي حاولنا نقااااوووم بس استغفر الله مشاعرنا صارت اقوى ..وصار عندها مقاومه ضد مقاومتنا .."

وجلست جنبه لا شعوريا حط يده علي شيلتها وقال "دامك جالسه جنبي ماصار للشيله قيمه .."

وسحبها بهدوء وطلع وجهها وقال "والله الي نسويه حنا غلط ما ودي اخربها "

"هي خاربه خاربه سواء اليوم او بكره راح اكون معك لا صقه فيك .."

وبدا يتأمل معالم وجهها وقال "انت حلوه يا نوره من قال العكس انت اجمل بنت شافتها عيني .."

وقالت بهمس "لان عيونك حلوه تشوف الناس حلوين مثلك .."

وقرب لمها زواده وقال"انا لا مدحت الشي ماابالغ فيه .."

"وانا بعد .."

وقربت لمه ..

وصاروا قراب لبعض وقال "بسألك انت عمرك حبيتي من قبل .."

"واحد حبيته بكل قوه حبي .."

"ولازلت تحبينه "

"اموت بالتراب الي هو يطاه .."

وسكتوا يتأملون بعض وقالت "وانت ؟؟"

"انا عاشق من رجلي لراسي .."

ولا شعوريا رفع يده ولمس شفايفها المليانه باصابعه وبعدين بعد وقال "انا ماراح اقعد هنا عن اذنك بكره ورانا طريق وانسي الي صار بيننا كان جنون .."

حمقت وقالت "معك حق اجن من الجنون ..وانسي اني فتشت لك ..مهي من عوادي ..."

وراحت تلثمت ومشت يوم دخلت البيت ولحد الحين تحس باصابعه علي شفايفها ...

ولقت حصه قدامها وقالت حصه بفضول "وين كنتي ؟؟؟"

"كنت اتمشي .."

وقالت حصه "وليه ترتجفين ووجهك احمررر "

"لانه كان بررد "

"اها "

وقالت لها نوره عن اذنك ...

وراحت وهي بها الصيحه ....

------------------------------------------------------

بالطريق كانوا هادين ولا واحد منهم تكلم كانت هي تقرا الكتاب العلمي بدون نفس بس تبي تدور لها عذررر ..

وهو كان يتأمل الطريق مغبوون ...

واستكروا علي هالحااااال لين ما بقي علي الديره عشرين كيلو متر ..

وقالت وهي تطلع البطاطس ليز ملح وخل وتااكل قدامه ولا دعته وهو يسمع صووت قرمشتها وقال "طيب عزمينا لو بالكذب .."

"اصلا انت منت محرم لي ولا انا اكلمك .."

وقال يتطنز "ونسيت الي صارر بيننا امس "

"ايه مو قلت لي انسااه نسيته "

"كذابه "

"مني كذابه الا انت الكذااب ""

"خلاص اووف منك اكبر غلطه انك نزلت من هذا الباص السخيف ولقافه منك وراح وخلاك ورمااك علي ..."

"واكبر غلطه اني شفتك وسمحت لنفسي اني اركب معك .."

"والا كان مغتصبك البنغالي من زمااان .."

"واكبر غلطه اني دخلت زحمه الشاحناات ...والا ماكان تعرض لي البنغالي ولا انت.."

"انا ماتعرضت لك ..":

"والا امس وش كنت تسميه ؟؟"

وسحب منها البطاطس وقام ياكل "الا امس اسميه كان متبااادل "

"لاااا مو كنك انت الي بديت .."

"ولا كنك انت الي طلعتي لي وشعرك مفكوك وطرحه قصيره بالله وش تسمينها هذه .."

"اووف منك توقعت انك راح تفكر كذا "

"اجل وش كنت ابفكر .."

"خلاص صك الموضوع عاد صار الي صار .."

"صكيتي الموضوع لانك ما عندك دفاع زين .."

"مو عشان ما عندي دفاع بعدين هاات"

وسحبت البطاطس منه وقالت "ترا السرقه حررراااام .."

وبدت تاكل وقال "ما توقعت بخيله .."

"مني بخيله بس احب اتبيخل علي ناس مايستاهلون ..."

وقال "علي العموم مشكووره ويجي منك اكثرررر .."

وقالت "يعني زعلت .."

"ايه زعلت .."

"لا تزعل .."

"مو علي كيفك انا الحين زعلان .."

"لاتزعل .."

"...............(مافي رد)"

"متعب لاتزعل الله يخليك خلاص مابغي البطاطس خذه "

وخذاه منها بدون أي كلمه ....

"اووف منك "

وحاولت تقرا الكتاااب وتلهي نفسها ....

---------------------------------------------------

-9-

اول مرره تعوقهم في الطريق الشرطه كان سير الشاحنات زحمه وطوييل وخفق قلب نوره وقالت "توقع انهم يمسكوننا عشاني معك .."

ولا رد ..

"متعب عااد الله يخليك .."

التفت عليها وقال "ادعي ربك .."

"لو اتخبي وش راح يكون "

قال متعب "مافيه راح يفتشون معروفه "

"ياربي.."

وبدت تقرا المعوذات وتدعي ربها من كل قلبها انه يمشي هذه اللحظه علي خيير ..وقالت "متعب راح يصير علي راسك بليز القي لي حل الله يرضي لي عليك .."

"وين بالله بلقي اقول اختفي خلاص لحظه عندي فكره عندي مخبي بالشاحنه تخبي بين المراتب كذا مااراح يشوفونك .."

وعالطول تسللت بخفه بين المراتب يوم جا دورهم خلاص اختفي لون وجهها وكثفت دعااء ..

فتح متعب الدريشه وقال بفرح واستغراب"صالح .."

وكان يقصد الشرطي ..

"متعب هلاااا وغلااا يا مرحبا وشلونك وشلون الاهل ..

ونزل متعب يسلم عليه وراحوا يضحكون وقال صالح فجاءه وشلون لطيفه ؟؟"

"اذا تبي تشوف وشلونها عجل الملكه .."

"انا قلت لا هي الي رافضه .."

"معها حق خلها تكمل ثالث ثانوي بالاول لاحقه علي غثا العرس .."

وضحكوا وكانت نوره تسمع سوالفهم وقالت "سبحان الله وش ذا الصدف يا رب لك الحمد انك ستترتها علي .."

المهم بعد ما نتهوا سوالف ركب متعب الشاحنه وودع صالح بدون ما يتفرج علي اوراقه ....

وطلعت نوره من بين المراتب وقالت "الحمدلله مضت علي خير .."

وقال لها "من حظك .."

وقالت "ليه ما قلت لي ان لطيفه اختك مخطوبه ..."

"ماراااح تهتمين لهذه الامور .."

"الا اهتم لطيفه هذه بنت عمي وانا افرح للي يفرح .."

"لو انتي صدق مهتمه في اختراع اسمه تلفون ثابت .."

"لطالما اني كنت مهتمه ..بس ما عرف الرقم ولا ادري انكم كنتم بنفس الديره"

"ودي اصدق .."

"جعلك لا تصدق علي العموم الله يوفقها يارب ."

"امين ...."

وسكتوا...وقلبها يوجعها بقووه ..

----------------------------------------------------

وصلوا للديره وحط متعب الشاحنه بملبقها عند الشركه وراح مادري وش سوي اجرائته بعدين ركب سياره دتسن غماره وحده وركبت معه ....

وقال فجاءه "استغرب ليه ما وصلتك عند اهلك وافتكيت منك الحين امي راح تنصدم .."

وقالت "ماراح تنصدم لامنها اكتشفت الحقيقه .."

"انت زنانه .."

"انا مازنيت واحمد ربك هااانت جاك الفرج راح تفتك مني وراح تصير مجرد ذكره .."

وقالت بينها وبين نفسها "الظاهر اني راح ارجع لدفتر المذكرات حقي .."

ولا رد متعب لانه استسلم لافكاااره ...

-------------------------------------------

كان البيت عباره عماره شعبيه مرره وقال لها يتطنز"اسف مو من مستوااااك الراقي .."

"انا ما قلت ولا علقت علي بيتكم انت الي علقت .."

"ادخلي هذه اولا شقه مو بيت ..."

"ايش يعني ايجار .."

"تستهبلين طبعا ايجاار .."

"طيب ليه انت كذا تعاملني وكاني انا الي سويت كذا .."

"لان ابوك مو اكتفا انه قطعنا سرررق كل الحلال ولا بقي لنا الا القليل .."

"ابوي لا ما صدق .."

"جعلك ماتصدقين .."

"يعني ابوي الحين يأكلنا مال حرام ..."

"مع الاسف .."

"لا مستحيل .."

"مبلي صدقي ..."

"انا لله وانا اليه راجعون ..."

وقال "يالله ادخلي سلمي ..."

ودخل "يمـــــــــــه .."

وفجاءه سمعت صوت جاسم اخوه الصغير "متعب انت جيت والله اشتقنا لك "وسلم عليه زانصدم وقال "متعب انت منين جبت هالبنيه "

ضحك متعب "هذه البنت تصير بنت عمي فهد .."

وقالت "وشلونك جاسم .."

"هلا هلا الحمدلله .."

وطلعت وحده طويله ومليانه وشعرها بني ناعم وقالت "اخوي الكبير "وضحكت وقالت "الحمدلله علي السلامه .."

وبرضوا انصدمت وقال متعب مبتسم لها "وشلونك لطوف .."

قالت لطيفه "من هذه ؟؟!!!"

قال جاسم "هذه بنتي عمي فهد ..."

وقالت لطيفه مبتسمه "نوره "

قالت نوره "انت تتذكريني ..."

"ايه اتذكرك يالله من زماااان عنك يالغلا ..ادخلي ادخلي .."

ودخلتها علي مرت عمها الي بالبدايه كانت رده فعلها مثل رده فعل العيال واحترام لها حبت راسها ويدها وقالت وشلونك مرت عمي ..

"الحمدلله .."

ودخل متعب وسلم علي امه ودخل عبدالرحمن والتوم وتجمعوا وبدا متعب يقص لهم القصه وضحكوا وقال لهم عن صالح الشرطي علي طول حمر وجه لطيفه ....

وضحكوا زواده ..

كانت لطيفه عكس اختها تالا كانت لطيفه جذابه وحبوبه وحبتها نوره اكثررر من قبل ...

وقال متعب "هاه يمه وشلون الفلونزا خفت .."

"الحمدلله ياوليدي شكلكم يا يمه جواعه لطيفه حطي الاكل .."

وقامت نوره وقالت "خليني اساعدك "

"حلفت مالي دخل اقعدي "

"وش دعوا مني تعبانه لاني انا ما سوق متعب هي الي ساق "

ابتسمت لطيفه وقالت"الله يحفظه ..."

وقالت نوره "امين يارب .."

ودخلت هي وياها المطبخ وبدن يسولفن عن حوسه العرس والخطبه والكليه وسوالف البنااات ....



----------------------------------------------------------

-10-

عشت نوره احلي اسبوع مع عيال عمها وصارت تهتم بمرت عمها وتطبخ الغداء بمساعده لطيفه والي خلوها ضحك وسوالف وتساعد التوأم وشلون يتكلمون انجليزي ..حتي هم تعلقوا بها وهي تعلقت بهم كثير حبتهم اما من ناحيه متعب فماشافته هذا الاسبوع وضاق خلقها لا يكون سافر بس امه قالت انه ما سافر ....

مره هي ولطيفه يشوفون فليم تايتنك وكل وحده تصيح يوم مات بطل الفليم ..وقالت نوره "مات من البرد .."وهي تشهق ..

بعدين قالت لطيفه وعيونها حمر "طيب لو سخونوه ما يمديهم يرجعونه اااه حرااام .."

وقالت نوره وهي تصيح "لا ما يمديهم تجمد كل عضوا فيه .."

ومسحت نوره دموعها بملابسها وكذا سوت لطيفه وطق الباب متعب عشان يسمح لنوره تتغطي عنه وتغطت وقال .."الحين انتم وش مصيحكن .."

"الفليم جاااك مااات .."<<قالت لطيفه

"الحمدلله علي نعمه العقل ..عنبوكم تمثيل وشفيكم .."

قالت نوره وهي تمسح دموعها من ورا الجلال "تأثرنا ...."

وقالت لطيفه "معك حق .."

"الشرهه مهي بعليكم علي انا اني اسألكم ااه نسيت لا اقولك نوره ان ابوك رجع امس اتصلت فيه وطلب مني اوصلك للبيت .."

انغبنت نوره وقالت "اها .."

قالت لطيفه "يا خسارتك يا نوره اقعدي الله يخليك .."

"والله ودي "

قال متعب بجفاء "عندها اهل خلاص وطلب ابوك اني اجيبك ..الحين .."

وقامت نوره طيب بروح البس عباتي واولم اغراضي .."

وقالت لطيفه "اماااان لا تقطعينا الله يخليك يارب "

"انشالله احاول .."

وضمت لطيفه وسلمت علي مرت عمها بحراره وقالت مرت العم "ألله يحفظك يا قلبي .."

"امين وياك يارب .."

وركبت السياره .وودعتهم ...

كان متعب ساكت وهي ساكته ولا تكلم ولا حرف ولا كلمه ولا حتي عباره ..

فجاءه لبق السياره علي جنب وقالت مندهشه "متعب وش فيك ؟؟"

طفا السياره والتفت لها وضمها بقووووووووووه علي صدره وفك برقعها وحط شفايفه علي شفايفها "

حست ان الدنيا تدور بها ولا شعوريا ارتفعت يدها من صدره الي رقبته وبدت تشده لها اكثر وكل الي سواه هو انه عمق بووووووسته بقووه ..اااه يازين هذه اللحظه ماراح تنساها ابد ..

بعدين بعد عنها وشغل السياره ولا حتي مسح السعابيل من علي علي شفايفه ..

سعاابيلهم ...

ولاتجرأت هي حتي..

ماقدرت تركز حست انها تطييييييييير مااتدري وش تسوي ...

ووصلها للبيت بدون ما تدله وترشده علي الطريق يبدوا منجد عطاه ابوها العنوان ..

ونزلت بدون ماتلفت لورا عشا ن ماتبي تصيح ماتبي تبين له انها فعلا ماراح تنساه وانها حبته ضعف اضعاف يوم كانت تحبه ايام المراهقه ........

----------------------------------------------------

-11-

رجعت نوره للروتين العادي امها تحط اسمها عند خطابات بلكي يمشي حظها وكل يوم هي وياها منااقر واختها تالا ماتعطي احد وجه لين ماتجي مصلحتها ولا حتي ابوها الشخص الوحيد الي يمكن تكون اشتاقتله نوره هو عبدالله اخوها لانه اول ماشافها سلم عليها ......

دخلت مرره علي مكتب ابوها وهي حمقانه وقالت "يبه فلوس عمي جاير ترجعها لهم لحين .."

"أي فلوس ؟؟"

"الفلوس الي سرقتها يايبه حرررام وشلون ما عندك ضمير حرااام تعذب اليتمااان انت منت حافظ سوره الماعون (وذلك الذي يدع اليتيم )"

"نوره لحظه لحظه خليني افهمك ..اقعدي .."

وقعدت نوره وقال الاب "والله وياعل ربي ياخذ روحي اذا انا سرقت الفلوس اسمعي جابر اخوي قبل لا يموت الله يرحمه وصاني علي اني امسك فلوسهم لين ما يكبرون ..واصرف عليهم .. واستثمرها لانها كانت ما تكفي لهم كلهم واستثمرتها .."

قالت نوره "بس ما وصاك قاااطعهم بعدين انت عمهم من الرضاعه وشلون تارثهم "

"الوصيه يا بنتي وش فيك ؟؟"

"ما فيني شي الله يرضي لي عليك يبه عطهم فلوسهم خلاص كبروا يبون فلوسهم خلاص .."

"انا اصلا عطيتها متعب قبل امس كااامله والربح بعد وكل شي وطلبت منه يسامحني لاني لهيت بالتجااره يا بنتي التجاره الي خذت عقلي ومو بس قاطعتهم قاطعتكم معهم ...."

وتنهد وقال "انا غلطان يا بنتي وانا غلطان لاني ما ستوعبت ان عندي اجمل عيال بالدينا .."

"بس انت تحب تالا وبس "

"يعني انا ما احبك يا بنتي حراام عليك يعلم الله انا وامك نحبكم كلكم بالتساوي يا بنتب يكفي اني فخور ان عندي بنت دكتوره ...."

وعالطول ضمت ابوها لصدرها وهم يصوحون لان الاهل مهما بينوا لك من اهمال وجفا مو يعني انهم ما يحبونك وانهم يفضلون ااخوانكم عليكم نصيحه مجرررررب ...

-------------------------------------------------------

بعد السالفه باسبوع راحت نوره لم لطيفه وطلعت هي وياها لم المجمع يشترون لها جهازها طبعا نوره شرت هديه لطيفه عطورات حلوه من ذا بودي شوب وشنطه ميكياج تاثرت لطيفه وتشكرت منها.......

وجلست هي وياها بالكوفي شوب وقالت نوره بفضول "وشلون متعب..."

قالت لطيفه"تدرين بيسافر برا بيدرس .."

هوي قلبها من الالم"متي ؟؟"

"بكره عمي فهد راح يسوي عشا كبير "

"ابوي"

"ماقالك؟؟"

"لا حريم ورجال"

"لا بس رجال اااه انا فرحانه عشان اخوي ...الله يوفقه"

راح يسافر راااح يروح مني اااااه لاا مو مرررره ثانيه لا ياقلبي انت قادر علي تحمل هذا .....

--------------------------------------------------------

فعلا سافر متعب وخلاها كل يوم تصيح علي فراااقه ااااه بسسسسس

ياقلب تحمل وش راح يجيك...

طبعا ماقطعت زياره لطيفه ومرت عمها كل يوم وصار عبدالرحمن هو رجال البيت للبيت وحشهمن غير متعب...

لهت نوره بالدراسه وكلما لها تصعب بحيث انها قررت تركز كل طاقتها عليها

...

______________________________________

بعد مرور عاااامان

عامان .. مرا عليها يا مقبلتي

وعطرها لم يزل يجري على شفتي

كأنها الآن .. لم تذهب حلاوتها

ولا يزال شذاها ملء صومعتي

إذ كان شعرك في كفي زوبعة

وكأن ثغرك أحطابي .. وموقدتي

قولي. أأفرغت في ثغري الجحيم وهل

من الهوى أن تكوني أنت محرقتي

لما تصالب ثغرانا بدافئة

لمحت في شفتيها طيف مقبرتي

تروي الحكايات أن الثغر معصية

حمراء .. إنك قد حببت معصيتي

ويزعم الناس أن الثغر ملعبها

فما لها التهمت عظمي وأوردتي؟

يا طيب قبلتك الأولى .. يرف بها

شذا جبالي .. وغاباتي .. وأوديتي

ويا نبيذية الثغر الصبي .. إذا

ذكرته غرقت بالماء حنجرتي..

ماذا على شفتي السفلى تركت .. وهل

طبعتها في فمي الملهوب .. أم رئتي؟

لم يبق لي منك .. إلا خيط رائحة

يدعوك أن ترجعي للوكر .. سيدتي

ذهبت أنت لغيري .. وهي باقية

نبعا من الوهج .. لم ينشف .. ولم يمت

تركتني جائع الأعصاب .. منفردا


أنا على نهم الميعاد .. فالتفتي
----------------------------------------------

-12-

بدت نوره تطبق باحد المستشفيات ولا قدرت تكمل اكتفت انها تكون فيزيشان يعني طبيبه عاامه ووبدت تنحف ونزلت كثييييرر من الكيلوات تغيرت ما صارت نوره الي معيارتها الدب الابيض....

كل يوم تحاول تقول بينها وبين نفسها انها خلاص بدت تتاقلم لكن هل هو فعلا كذلك.....

في احد الايام جاها مريض رجال ماعليه حست انه يتداعي المرض

وقالت له "هل انت تعاني من حساسيه اومشكله في عضو ماااا.."

قال "اعاني من مررض بالقلب اسمه مررض الحب.."

عرفت نوره علي طول انه جاي يغازل مو شي ...

حقدت عليه وقالت "ممكن تطلع بره لا اقوم ابلغ عليك الامن يطرودونك.."

"خذي رقمي والله ماراح تندمين راح اعيشك بجنه .."

"اقوول اطلع بره يا واطي ..."

ودقت علي الامن وجو وشالوه بره اما هي فاجلت كل مواعيدها تبي تروح للبيت وقالت بينها وبين نفسها "كان مع متعب حق البنت مالمفروض تشتغل بنطاق فيه اختلاط ..."

ودخلت غرفتها وانواع الصياح يالله كل يوم مشاعري تكبر انا ماقدر اتحملها ابدا ..

وقامت صرخت علي نفسها "متعب مو من نصيبك ليه ماتفهمين لييييه بقاله 3سنين عشان يحصل البكالوريوس ......"

ونسدحت علي السرير وبدت تتامل السقف ...

وعيونها كلها دمووع.....

-----------------------------------------------------------

حلمت كان متعب يضمها ويلعب بشعرها ودمعت عيونها اكثرر لحد متي وانا احلم لحد متي وانا اتعذب لحد متي وانا قلبي ينبض لشخص ما يحس له لحد متي لحد متي لحدمتي ......

وماتبي تفتح عيونها ...ماتبي تلقي انها تحلم لا لا يكفي خلاص يكفي ......

وفتحت عيونها تبي تستوعب الواقع الي هي فيه لقت متعب مبتسم لها محلق شعر وحالق وهو يمسح دموعها وقال "اخيررا قمت تدرين بغيت اسوي زي الامير وشلون يقوم حبيبته .."

همست "متعب .."

"ايه انا متعب .."

"متعب هذا انت.."

"ايه هذا انا بلحمي ودمي .."

"ما اصدق اااه وشلون دخلت وشلون جيت ما خلصت ..."

"اكتفيت بالدبلوما لان في شي اهم من الشهااااده هذا الشي ماخلاني انتظر 3 سنين زواده يكفي اني تحملت سنتين ...وثاني شي انا الحين طمرت لك من الشباك وجيت ولا درا ولا احد بجيتي لاني حبيت ان تكوني اول من يدري ..."

وضمته وهي تصييييح وقالت "انا مشتاااااااقه لك يا متعب انا تعبت .."

"انا اسف اني تعبتك صايره هيكل منت نوره الي انا اعرفها .."

"يا حياااااتي انت ..."

وضمها وقال"نوره انا الحين صرت وقح لاني طمرت عليك وضميتك وانت محرمه علي وسويت العن بستك يمكن لاني احبك خلي كل الي اسويه زين بعيني ....."

"تحبني ؟؟؟؟"

"واموت بالتراب الي تمشين انتي فيه ..."

"يالله اقرصني "

"لا ماراح اقرصك اسمعي انا اليوم بتقدم لك اوكيه تقبلين بي زوج والا لا .."

"هاه.."

"مو علي كيفك تقبلين بي زوج لاني احبك اكثر من نفسي طيب ووحطيت عندك خبر لاني ماراح اقبل بالرفض ..."

قالت من بين دموعها "انا اصلا ارفض العاالم كلها الا انت يا قلبي ...احس اني بحلم .."

"الله لا يحرمنا من بعض ويخلينا لبعض قولي وين تبين تسافرين شهر عسل ...."

"الحين اخطبني بعدين نفكر .."

"لا قولي لي وين تبين نروح شهر عسل .."

"وش رايك نمسك خط بالشاحنه زي اول مررره "

ضحك وقال"افكر بشي ثاني .."

"وش هو ؟؟؟"

"مفااااجاءه ماراح اوقولها الحين "

"ومتي تبي تقولها ..؟؟"

"راح اقولها بوقتها ...."

---------------------------------------------------------

الخااااتمه ..

"يالله وين المفاجاءه الي وعدتني اياااها .."

قالت بعد ماصار اسبوع علي زوااجهم ..

قال متعب مبتسم "راح اوريك ايااااها "

ومسك يدها وشافت يخت يهبببل وقالت وش ذا؟؟"

"قررنا نجرب السفر علي البحر وش رايك انتي ..."

"اااااه شريتها يعني وطيرت كل فلوسك .."

"اطيرها لاجل عينك ياقلبي يفداااك والجواب لا ماشريتها لكني استاجرتها لنا شخصيا وراح نسافر فيها لايااات ديره تبينها .."

"عسي الايجار مهو غالي ..."

"يرخص كل شي عشااااانك يا احلي مره بهالدنيا .."

"وانا ما اشك بهالشي يا قلبي "

----------------------------------------------------

هل عندك شك انك احلي امرءه في الدنيا؟

وأهمُّ امرأةٍ في الدنيا ؟.
هل عندكِ شكٌّ أني حينَ عثرتُ عليكِ ..
ملكتُ مفاتيحَ الدُنيا ؟.
هل عندكِ شكٌّ أني حينَ لمَسَتُ يديكِ
تكوينُ الدنيا ؟. تغير
هل عندكِ شكٌّ أن دخولكِ في قلبي
هو أعظمُ يومٍ في التاريخ ..

وأجملَ خبرٍ في الدنيا ؟

هل عندكِ شكٌّ في من أنتِ؟

يا من تحتلُ بِعينيها أجزاء الوقت
تكسِرُ حينَ تمُرُّ ، جدار الصوت يا امرأةً
لا أدري ما ذا يحدث لي ؟
كأنكِ أنثاي الأولى
وكأني قبلكِ ما احببت
وكأني ما مارستُ الحبَّ ..ولا قبلتُ ولا قُبلت
ميلادي أنتِ.. وقبلكِ لا أتذكرُ أني كنت
أتذكرُ أني عِشت . لا. وغِطاءِ أنتِ .. وقبل حنانِكِ

وكأني أيتها الملكة ..من بطنكِ كالعصفورِ خرجت
.....

هل عندكِ شكٌّ أنكِ جزٌ من ذاتي

وبأني من عينيكِ سرقتُ النَّار ..
بأخطرِ ثوراتي وقمتُ
أيتها الوردةُ .. والياقُوتةُ .. والريحانةُ ..
والسلطانةُ ..
والشعبيةُ ..
والشرعيةُ بينَ جميعِ الملِكاتِ ..
يا سمكاً يسبحُ في ماءِ حياتي
ياقمراً يطلع كل مساءٍ من نافذةِ الكلماتِ ..
يا أعظمَ فتحٍ بينَ جميعِ فتوحاتي
يا آخرَ وطنٍ أُولدُ فيهِ ..
وأدفنُ فيهِ ..

وأنشرُ فيهِ كتاباتي ..
يا مرأةِ الدهشةِ .. يا امرأتي

لا أدري كيفَ رماني الموجُ على قدميكِ
لاأدري كيفَ مشيتِ إليَّ ..
وكيفَ مشيتُ إليكِ ..
يا من تتزاحمُ كل طيورالبحر ِ..

لكي تستوطنَ في نهديكِ
كم صار رقيقا قلبي حين تعلم بين يديك..
كم كانَ كبيراً حظي حينَ عثرتُ عليكِ ..
يا امرأةً تدخلُ في تركيبِ الشِعر ..
دافِئةٌ أنتِ كرملِ البحر ..
رائِعةٌ أنتِ كليلةِ قدر ..
من يوم طرقتِ البابَ عليَّ .. ابتدأ العُمر ..

5
كم صارَ جميلاً شعري ..
حينَ تثقفَ بينَ يديك ..
كم صرتُ غنّياً .. وقويّاً ..
لما أهداكِ اللهُ اليّْ ..
هل عندكِ شكٌ أنكِ قبسٌ من عينيّْ
ويداكِ هما استمرارٌ ضوئيٌّ ليديّْ ..
هل عندكِ شكٌ ..
أنَّ كلامكِ يخرجُ من شفتي ّْ ؟
هل عندكِ شكٌ ..
أنّي فيكِ .. وأنكِ فيّْ ؟؟

6
يا ناراً تجتاحُ كياني
يا ثمراً يملأُ أغصاني
يا جسداً يقطعُ مثلَ السّيفِ ،
ويضرِبُ مثلَ البركانِ ..
يا نهداً يعبقُ مثلَ حقولِ التبغِ ِ
ويركضُ نحوي كحصانِ ..
قولي لي :
كيفَ سأنقذُ نفسي من امواجِ الطوفانِ..
ماذا أفعلُ فيكِ؟. أنا في حالةِ إدمانِ ..
قولي لي ما الحلُّ ؟ فأشواقي
وصلت لحدود الهذيانِ ...

7
يا ذاتَ الأنفِ الأغريقيّ ..
وذاتَ الشَّعرِ الأسباني
يا امرأةٍ لا تتكرَّرُ في آلافِ الأزمانِ ..
يا امرأةً ترقصُ حافيةَ القدمينِ بمدخلِ شرياني
من أينَ أتيتِ ؟ وكيفَ أتيتِ؟
يا حدى نِعَمِ الله عليَّ ..
وغِيمةَ حُبٍ وحنانٍ ..
يا أغلى لؤلؤةٍ بيدي ..
آهٍ .. كم ربي أعطاني

يسلمو لوله

.. ثااااانكس ع المرور ليالى